Maama Blair and She One Pickney

Maama Blair and She One Pickney!

Or

A Tale of Authority

Ay buoy guess wa appen, me hear se dis maanin over Maasa Pickens lan se sombudy grab up Maama Blair daata!

Mek a tell wa appen it seem like Maama went fe look fe she one pickney and keyaan see she nowhere, Maama search all over de fe she, she waak an look from one side a de land to de udder askin every baady if dem see er.

Well it look like some lil bouy dem was tendin sum goat and dem tell Maama Blair se dem see Maasa Pickens’ overseer grab de gaal wile she was washing dem clothes and tek er pan is haas an dem gaan in de grung.

Well wen Maama Blair heer dis maan she gaan mad, she halla and baal till dem could hear she till a BackDam. Maama tek she bed an nah move from deh an nah mek no healin fa nobaady. Wen dem caal she fi cum she na movin fi nobaady.

Well dis carry on fah me na know how lang but lang lang time, dem seh she lay dung feh a lang lang time an she kass-kass. Dem people workin ah de plantation sick, dem come dung wid dis an dat an cut demself bad. But maan she nah get up but stay ah she bed an cry an wail.

So nex, ting me ere say she start fe get up an look pan sum a de sick people, she keyaan stop carin fah dem udder people pickney yuh see.

But ebry minute she get she look fuh she only daata Cicely. Waakin all aroun’ an about weh de maasa people let she, till she gan an aks Maasa Pickens fe she daata an tell im all dat she hear from de lil bouy dem. Maasa nah k wah appen but im seh im will aks de overseer an see wha im seh.

Well im cum bak tell maama dat de overseer keyaan give up Cicely cause im does get one pound for every child im faader pan de gaal.

Maama wail and baal and say she nah guh do nutt’n anymore, seh she nah go help or tek care a dem people who hut demself an dem one who keyaan walk an bleedin an bruck up. .

An so yuh know maasa know im have fe get in de cane an need im slaves fuh do it, de white dackta won’t look pan we maama is de one who look pan dem, mek dem feel good yuh see.
Maasa tell Maama Blair if Cicely av pickney she av fe stay wid de overseer, she ave fe care fe she pickney.

Anyhow maama went fe get she daata, eh eh nex ting one a dem ouse bouys tell Maasa Pickens Cicely gat six pickney !

Maan mek a tel yuh Maasa tun pan Maama and tell she Cicely a fe stay wid de overseer fuh six mont a de year fe raise she pickney dem an den she keyaan cum back to she maama fe de res a de time.

Well yuh know all ting cum roun an Maama does fix up people now, and look after dem but wen dark time does cum she stay inna she ouse an nah see nobaady an nah do nutt'in.

But buoy de las ting me guh tell yuh? Cicely is Maasa Pickens daata!